ಒಂಟಿ ಮಾಡದಿರು

ಗೆಳತಿ...
ನೀ..ಒಬ್ಬಳೆ ಏಕೆ....?
ಈ ಒಂಟಿ ದಾರಿಯಲ್ಲಿ ನಡೆದುಬಿಟ್ಟೆ
ನಿನ್ನ ಹೆಜ್ಜೆಗಳ ಹಿಂದೆ.... ನೆರಳಾಗಿ
ಬರುವೆನೆಂದವಳು.... ನನ್ನ ಮುಂದೆ
ನಿನ್ನ ನೆನಪಿನಾ ಹೆಜ್ಜೆಗಳ ಬಿಟ್ಟು ಹೋದೆ

ಒಡಗೂಡಿ ನೆಟ್ಟ ನಮ್ಮ ಪ್ರೀತಿಯ
ಸಸಿಗೆ.. ನಿನ್ನೊಲವಿನ ರಸಧಾರೆಯ
ಸೂಸದೆ ಒಣಗಿ ನಿಂತಿದೆ... ಮೊದಲೆ
ಅರಳಿ ನಿಂತ ಕುಸುಮಗಳು
ನಿನ್ನ ವಿರಹದ ತಾಪಕೆ ಕಮರಿಬಿಟ್ಟಿವೆ..

ನೋಡು ಎಲ್ಲೆಲ್ಲೂ.. ನಾವು
ಕುಳಿತು.. ಓಡಾಡಿದ ಜಾಗದಲ್ಲೆಲ್ಲ
ನೆನಪುಗಳೆ ಮಾತನಾಡುತ್ತಿವೆ..
ನೀ ನಕ್ಕ ನಗುವಿನ ಪ್ರತಿಧ್ವನಿಯು
ನನ್ನೆದೆಯ ಇರಿಯುತಿದೆ...

ನೀ ಮರಳಿ ಬರುವ ದಾರಿಯ
ಕಾಯುತಿದೆ ಈ ಒಂಟಿ ಹೃದಯ
ಇದರ ಬಡಿತಗಳು ನಿನ್ನ ನೆನಪಲಿ
ನಿಲ್ಲುವ ಮೊದಲೆ... ಬಂದು ಬಿಡು..
ಈ ಜಂಟಿ ಪಯಣದಲಿ.. ನನ್ನನೊಬ್ಬನನ್ನೆ
ಒಂಟಿ ಮಾಡದಿರು...