ನಿನ್ನ ಕಳೆದುಕೊಂಡು

ಬಂದರೆ... ಬಂದು ಬಿಡು
ನನ್ನನು ಬಿಟ್ಟು ಹೋಗದಂತೆ..
ಇದೇ ಮಾತನ್ನು ನನ್ನೆದುರು
ಹೇಳಿದ್ದರೆ... ಹೇಗಿರುತ್ತಿತ್ತು..

ಹೀಗೆ... ನನಗೆ ಬೆನ್ನು ತೋರಿ..
ಹಸಿರುಸಿಲ್ಲದೆ.. ಒಣಗಿ ನಿಂತ
ಮರದ ಕೆಳಗೆ....ಅದಕೊರಗಿ ನಿಂತು..
ಹಾಗೆ ಕೇಳಿದರೆ... ನಾನೇನ ಹೇಳಲಿ....

ಒಮ್ಮೆ ನೋಡಿರುವೆಯಾ ? ನನ್ನೆದೆಯ
ಬಿಳಿಹಾಳೆಯಲಿ ನೀ ಬರೆದ
ಪತ್ರವ... ಎಷ್ಟು ದ್ವಂದ್ವಗಳಲ್ಲಿ..
ಎಷ್ಟೊಂದು ಚಿತ್ಕಾಟಗಳಿಲ್ಲವಲ್ಲಿ..

ಹೇಳುವ ಮಾತನಾದರೂ.. ಸರಿಯಾಗಿ
ಬರೆಯದಿದ್ದರೆ.. ನನಗೆ ಹೇಗೆ
ಅರಿವಾಗುವುದು.. ಈ ಮೊದಲು
ಬರೆದ ಕಾಗದಗಳನ್ನದೇಷ್ಟು .... ನಾ
ಓದಿಲ್ಲ.. ನಿನಗೆ ಉತ್ತರಿಸಿಲ್ಲ..

ನಿನ್ನ ಕಂಗಳು ನಾನು...
ನೀನೆ ಕಣ್ಮುಚ್ಚಿದರೆ...ಈ ಪ್ರೀತಿ
ಬೀದಿಯಲಿ... ನಾನಾಗುವುದಿಲ್ಲವೆ
ಕುರುಡು ಪ್ರೇಮಿ... ಪ್ರೀತಿ ಕಣ್ಣಿಲ್ಲದೆ
ಇನ್ನಾರಲ್ಲಿ ಪ್ರೇಮ ಭಿಕ್ಷೆಗೆ ಅಲೆಯಲಿ

ನಿನ್ನ ಕಳೆದುಕೊಂಡು...