ನಾನು ೩

ಮರೆತು ಕೇಳಬೇಡ ನೀನು 
ನನ್ನ ಯಾರೆಂದು!!

ಹೃದಯ ತೆರೆದು  ನೋಡು
ಗೆಳೆಯ  ನಾ ನಿನ್ನಲ್ಲೊಂದು!!

ನಾನು

ಮರೆತು ಮಾತನಾಡಲು..
ಉಡುವ ತೊಡುವ ಬಟ್ಟೆಯೆ..
ಬಣ್ಣ ಮಾಸಿದ ಮೇಲೆ ಮರೆಯಲು
ತೊರೆಯಲು...

ಯಾವಾಗಲಾದರೂ ನಡೆದು ಬಾ
ಈ ಗುಡಿಯೊಳಗೆ...
ಅದರ ಅಧಿ ದೇವತೆಯೆ ನೀನು..

ಅ
ಬೇರೊಂದು  ಹೃದಯದಿ
ನೀ ಇದ್ದರೂ ನೋವಿಲ್ಲ!

ಆದರೆ ನಿನ ಹೃದಯದಿ ನಾ
ಇರದಿದ್ದರೆ ನಾನೆಂದೂ  ಬದುಕಲ್ಲ!

ನಾನು

ತಪ್ಪು ತಿಳಿಯದಿರು ನಲ್ಲೆ...
ಬೇರೊಬ್ಬರ ಹೃದಯದಿ
ನಾನಿದ್ದರೆ... ಅದು ನನ್ನ
ತಪ್ಪಲ್ಲ...

ನಿನ್ನ ಬಿಟ್ಟು ಇನ್ನೊಬ್ಬರಿಗೆ ಈ
ಹೃದಯದಲ್ಲಿ ಜಾಗವಿಲ್ಲ..
ಈ ಮಾತಿಗೆ ನಾನೆಂದೂ...
ತಪ್ಪಿಲ್ಲ..

ಅ
ಹೇಗೆ  ನಂಬಲಿ
ನಿನ್ನ  ಈ ಹುಸಿ ಮಾತನ್ನು

ಭರವಸೆಯ ನುಡಿಯನ್ನೆ
ನುಡೆಯುವೆ ಯಾಕಿನ್ನು

ನಾ
ನಿನ್ನ ಮುಂದೆ ಹುಸಿಮಾತುಗಳ
ಆಡುವ ದರ್ಧು ನನಗೇನಿದೆ..

ಆಡಿದ ಮಾತುಗಳ ತಪ್ಪುವನೆಂಬುದ
ನಂಬುವ ಹಸಿ ಮನಸ್ಸು ನಿನ್ನದಿರಬಹುದು
ನನ್ನದಲ್ಲ..
ಇದು ಎಂದೆಂದಿಗೂ ನಿನ್ನೊಲವಿಗಾಗಿ
ಮೀಡಿಯುತಿರುವ ಹೃದಯ

ಅ
ಮಿಡಿಯುತಿರುವ ಹೃದಯವೇ
ಮತ್ತೆಕೆ  ನನ್ನಿಂದ 
ಆಗಾಗ  ಮರೆಯಾಗುವೆ !!

ನನ್ನ  ಪ್ರೀತಿಯಲ್ಲೆನು
ತಪ್ಪು ಕಂಡಿರುವೆ
ಅಪ್ಪಿಕೊಳ್ಳಲು  ಬಂದರೆ 
ಏಕೆ  ದೂರ ಸರಿವೆ!!

ನಾ
ಅಪ್ಪಿಕೊಳ್ಳುವ ಸಮಯವಲ್ಲಿದು..
ಆ ಮನಸಿಗೊಂದು ಲಗಾಮು ಹಾಕು
ಪ್ರೀತಿಯರಳುವುದು ಮನಗಳಲಿ..
ಕಾಮವದು ತಣಿವುದು ತನುಗಳಲಿ..

ಮಿಡಿಯುತಿರಲಿ...ನನ್ನ ಹೆಸರಿನಲಿ
ನಿನ್ನ ಹೃದಯ.. ಬರುವ ರಾಗವದಲಿ ಆಲಿಸು
ನನ್ನೊಲವ ಗೀತೆಯ..

ಅ
ಅತಿಯಾದ  ಪ್ರೀತಿ ಸ್ವಾರ್ಥಕ್ಕಲ್ಲ
ಅತಿಯಾದ  ಸಲುಗೆ
ಮೋಹಕ್ಕಲ್ಲ  ಗೆಳೆಯ

ತನ್ನವರನ್ನೆಲ್ಲ  ಬಿಟ್ಟು
ನಿನ್ನನ್ನೇ  ನಂಬಿ   ಬಂದಿರುವುದು
ಈ ನನ್ನ  ಹೃದಯ

ನಾ
ಅದು ಅಲ್ಲವೆ ನಮ್ಮಿಬ್ಬರ ಪ್ರೀತಿಯ
ಗೆಲುವು... ಒಬ್ಬರನ್ನೊಬ್ಬರು ಬಿಟ್ಟಿರಲಾರದಷ್ಟು
ಬಲವು ತುಂಬಿದೆ ನಮ್ಮಿಬ್ಬರ ಎದೆಗಳಲಿ..

ನನ್ನವರನ್ನೆಲ್ಲ ಬಿಟ್ಟು ನಿನ್ನ ಸುಂದರ
ಜಡೆಯ ಹಿಂದೆ ಬರಲು ಎಷ್ಟು..
ಕಾತರಿಸುತ್ತಿದೆ ಈ ಮನವು..
ಕೂಗಿ ನೋಡೊಮ್ಮೆ ಮನದಲಿ..
ಸಾಕು ನಿನ್ನ ಮನದ ಮಾತ ಕೇಳಿ
ಹಾರಿ ಬರುವೆನು ನಿನ್ನ ಪ್ರೀತಿಯ
ಮಡಿಲಿಗೆ..

ಅ
ಕೂಗಿ  ಕೂಗಿ  ಕರೆಯುವೆ  ನಿನ್ನೆಸರನ್ನೆ
ಮತ್ತೆಂದು ಬಿಟ್ಟು  ಹೋಗದಿರು   ನನ್ನನ್ನೆ

ನಾ
ಬಿಟ್ಟು ಹೋಗಲು ನೀನೆನು... ಅರಳಿ
ಬಾಡಿ.. ಬಿದ್ದು ಹೋಗುವ  ಸುಮವೆ...

ನನ್ನಂಗಳದ ಎದೆಯ ಬಳ್ಳಿಯಲ್ಲರಳಿದ
ಪ್ರೀತಿಯ ಕುಸುಮವು ನೀನು..
ನೀನಿಲ್ಲದೆ... ಈ ಹೃದಯದ ಲತೆಗೆ..
ಸೊಬಗುಂಟೆ... ಬದುಕುಂಟೆ
ಚೆಲುವೆ...