ಭ್ರೂಣ ಹತ್ಯೆ

ಒಪ್ಪಿದೆವು..... ಮೆಚ್ಚಿದೆವು......ಅಭಿನಂದಿಸುವೆವು
ನಿಮ್ಮ ಭ್ರೂಣ ಹತ್ಯೆಯ ಬಗೆಗಿನ ಕಾಳಜಿಯ..
ಆದರೆ... ಹೊರುವುದು... ಹೇರುವುದು ನೀವೆ
ಸಾಕುವುದು.. ಸಲವುದು.. ತಪ್ಪಿದರೆ ತಿದ್ದುವುದು
ಸಮಾಜದಲ್ಲಿ ಒಂದು ಹೆಣ್ಣು ಹೇಗಿರಬೇಕೆಂದು
ಹೇಳುವವರು..ಇನ್ನೊಬ್ಬರ ಮನೆಯ ಸೊಸೆಯಾಗಿ
ಹೋಗುವಾಗ ಅತ್ತೆ ಮಾವಂದಿರ ಜೊತೆ ಗಂಡನ ಜೊತೆ ಬದುಕಿ ಬಾಳುವುದ ಹೇಳಿ ಕಳಿಸುವವರು
ಈ ಒಂದು ತಪ್ಪನ್ನೇಕೆ ಮೆಟ್ಟಿ ನಿಲ್ಲಿವುದಿಲ್ಲ... ಇದರ
ವಿರುದ್ಧ ನಿಮ್ಮ ಧ್ವನಿಯನ್ನೇಕೆ ಎತ್ತುವುದಿಲ್ಲ...ಇಂತಹ
ಭ್ರೂಣ ಹತ್ಯೆಯ ಕಾರ್ಯಕ್ಕೆ ಪ್ರೇರೇಪಿಸುವ ಶಕ್ತಿಗಳ
ವಿರುದ್ಧ... ನಡುವಿಗೆ ಸೀರೆ ಸೇರಗ ಸಿಕ್ಕಿಸಿ.. ಕೈಯಲ್ಲಿ
ಪೋರಕೆಯ ಹಿಡಿದು ಬೀದಿಗೇಕೆ ಇಳಿಯುವುದಿಲ್ಲ..
ಇಳಿಯುವುದೇ......‌‌‌..ಇಲ್ಲ.. ಕೇಳುವುದೇ.......ಇಲ್ಲ
ತಿದ್ದುವದಂತೂ..... ಮೊದಲೇ ಇಲ್ಲ..

ನೀವು ಈ ಯಾಂತ್ರಿಕ ಯುಗಕ್ಕೆ ಒಗ್ಗಿಕೊಂಡಿರುವಿರಿ
ನೋಡಿ...ಮದುವೆಯಾದ ಹೊಸತರಲ್ಲೆ..ಮೊದಲ
ಹೇರಿಗೆಯಲ್ಲೆ ಗಂಡು ಮಗುವಾದರೆ..ಮತ್ತೈದು
ವರುಷಗಳವರೆಗೆ ಇನ್ನೊಂದು ಮಗು ಎಂದು...
ಕನವರಿಸುವುದಿಲ್ಲ... ಹಂಬಲಿಸುವುದಿಲ್ಲ....
ಚಿಂತಿಸುವುದಿಲ್ಲ... ಅದೇಯೊಂದು ಹೆಣ್ಣಾದರೆ..
ಎಷ್ಟು ಆತಂಕ.. ಏನು ತಳಮಳ.. ಹೆಣ್ಣಿಗೆ ಅಯ್ಯೋ..
ನಾನು ಹೆಣ್ಣು ಮಗುವನ್ನು ಹಡೆದನೆಲ್ಲ... ಎಂಬ
ಕಳವಳವ ಹೊಂದುವಳು ತಾಯಿ... ಛೇ.. ನನಗೊಂದು
ಹುಣ್ಣು ಹುಟ್ಟಿತಲ್ಲ ಎಂಬ ಚಿಂತೆಯೊಂದಿಗೆ.. ಸಾಲು
ಸಾಲು ಹೆಣ್ಣು ಹುಣ್ಣುಗಳ (ಅವರ ಭಾಷೆಯಲ್ಲಿ) ಹುಟ್ಟಿಸುತ್ತಾ
ಹೋಗುವರು... ಕೊನೆಗೆ ಹೇಳುವರು ಈ ಹೆಣ್ಣುಗಳು
ನಮ್ಮನ್ನು ಮದುವೆಯ ಸಾಲಕ್ಕೆ ಮೂಲ ಮಾಡುವವಲ್ಲ
ಎಂದು...

ಎರಿಸಿರಿ... ನಿಮ್ಮ ಕೈ ಬಳೆಗಳನ್ನು..ಹಿಡಿಯಿರಿ
ಕೈಯಲ್ಲಿ ಒನಕೆಯನ್ನು...ಉಕ್ಕಿ ಬರಲಿ ಕಣ್ಣಲಿ
ಜ್ವಾಲಾ ಕಿಡಿಗಳು...ಹೆಣ್ಣು ಭ್ರೂಣ ಹತ್ಯೆ ಮಾಡಿಸುವ
ಷಂಡರ ವಿರುದ್ಧ ನೀವೊಮ್ಮೆ ಸಿಡಿದೆಳಬೇಕಿದೆ...
ಹೊರಬನ್ನಿ ಅವನ ನೆರಳಿಂದ.. ಅವನು ತಾಳಿ ಕಟ್ಟಿದ
ಮಾತ್ರಕೆ.. ಅವನು ನೆರಳು ನೀಡುವನೆಂಬ ಕಾರಣಕ್ಕೆ
ನಿಮ್ಮೊಡಲ ಹೆಣ್ಣು ಕುಸುಮವನ್ನು ಅಂತವರೊಡಗೂಡಿ
ಚೀವುಟಬೇಡಿ... ಪ್ರಪಂಚ ವಿಶಾಲವಾಗಿದೆ.. ನಿಮ್ಮನ್ನು
ಅರಿತು ಬಾಳುವ.. ನಿಮ್ಮ ಮನಸ್ಸನ್ನು ಅರಿತುಕೊಳ್ಳುವ
ಸಾಕಷ್ಟು ಜನರಿಹರಿಲ್ಲಿ.. ನಿಮ್ಮ ಹೆಣ್ಣು ಕರುಳು
ಕುಡಿಯೊಂದಿಗೆ ಹೊರಬಂದು ಹೊಸಜಗತ್ತು ಸೃಷ್ಟಿಸಿರಿ..
ಮದುವೆಗೆ ಮೊದಲು ಹೆಣ್ಣು ಹೆಣ್ಣೆಂದು ಅಲೆದಾಡುವ
ಗಂಡು.. ಮದುವೆಯ ನಂತರ ಹೆಣ್ಣನ್ನು ಹಡೆಯಲು...
ಪಡೆಯಲು... ಸಾಕಿ ಸಲುವಲು ಹುಣ್ಣೆಂಬುವವರ
ತಲೆಯ ಜಜ್ಜಲು ಬೀದಿಗಿಳಿಯಿರೊಮ್ಮೆ......ಇಡೀ
ಬ್ರಹ್ಮಾಂಡವೆ ನಿಮ್ಮತ್ತ ತಿರುಗಿ ನೋಡುವವರೆಗು..

ಹೆಣ್ಣಿನ ಸಾವು ಗಂಡಿನ ಕೈಯಲ್ಲಲ್ಲ..
ನಿಮ್ಮ ಒಡಲೊಳಡಗಿದೆ....
ನೀವು ತೆಗೆದುಕೊಳ್ಳುವ ನಿರ್ಧಾರದಲ್ಲಿದೆ..