ಪರಿಣಯದ ತಿರುವದು
ಇಹುದದೇಷ್ಟು ದೂರ..
ಪ್ರಣಯದೊಡತಿ ನೀ
ಇರುವೆಯಲ್ಲ ಅದೇಷ್ಟು ಸನಿಹ...
ಬೇಲಿಯೊಳಗೆಯೆ...ನೀನಿದ್ದರೂ..
ನಿನ್ನೆದೆಯ ಮಕರಂದವು...
ಹಾಗೆ ಸುಳಿ ಗಾಳಿಗೆ ಸುಳಿ ಸುಳಿದು
ಬರುತಿಹುದು ನನ್ನಲ್ಲಿಗೆ..
ಹೇಗಾದರೊ...
ಸರಹದ್ದಿನ ಬೇಲಿಯ
ದಾಟದೆ ನಿಂತಿರಲಿ...
ಮನಸಿಗೆ ಹೇಳುವ ಪಿಸು
ಮಾತುಗಳ ಪದಗಳು
ನಿನ್ನೆದುರು ಉಸಿರಲು
ಚಡಪಡಿಸುತಿರುವಾಗ....
ನಿನ್ನ ಚಂದನದ ಮೊಗದ
ಮೇಲೆ ಕುಳಿತ ಮೊಡವೆಗೆ
ನಗುವ ಕಲೆಯ ಕಲಿಸಬೇಕಿರುವಾಗ..
ನಾ ಹೇಗೆ ಇರಲಿ...
ಈ ವಿರಹದ ಸರಹದ್ದಿನಾಚೆಯಲಿ
No comments:
Post a Comment